Злачынная групоўка ў Мінску абклала данінай тэлефонных ашуканцаў. Тыя, у сваю чаргу, выманьвалі ў беларусаў рэквізіты банкаўскіх карт і здымалі ўсе грошы.
Абедзве банды затрыманыя, паведамілі на тэлеканале СТБ.
Лідарам банды быў мінчук Мамука. Ён прадстаўляўся «палажэнцам» — прадстаўніком злодзеяў у законе, які збіраў для іх грошы. Ён таксама хваліўся знаёмствам з такімі аўтарытэтамі, як Алег Слуцкі па мянушцы Муму і Паштэт.
Банда Мамукі знайшла групу маладых людзей, якія абнаяўнівалі грошы. А тыя ў сваю чаргу завалодвалі нумарамі мабільных, тэлефанавалі з віртуальных нумароў замежных аператараў, выманьвалі рэквізіты банкаўскіх карт.
Тэлефонных ашуканцаў банда шантажавала паклёпам і пагрозамі. У выніку злачынная група абакрала «фішынгераў» больш чым на 23 тысячы рублёў.
У асобных выпадках абвінавачаныя пераходзілі да справы. Яны збівалі і душылі тых, хто ім не падпарадкаваўся. Калі пацярпелыя не гатовыя былі пастаянна аддаваць грошы, раз за разам прыходзілі з пагрозамі, у тым ліку і ў адрас родных і блізкіх.
Абвінавачаным пагражае да 15 гадоў пазбаўлення волі.
Цяпер чытаюць
Вызваленыя беларускія палітвязні паразмаўлялі з Зяленскім9
Каментары