Złačynnaja hrupoŭka ŭ Minsku abkłała daninaj telefonnych ašukancaŭ. Tyja, u svaju čarhu, vymańvali ŭ biełarusaŭ rekvizity bankaŭskich kart i zdymali ŭsie hrošy.
Abiedźvie bandy zatrymanyja, paviedamili na telekanale STB.
Lidaram bandy byŭ minčuk Mamuka. Jon pradstaŭlaŭsia «pałažencam» — pradstaŭnikom złodziejaŭ u zakonie, jaki źbiraŭ dla ich hrošy. Jon taksama chvaliŭsia znajomstvam z takimi aŭtarytetami, jak Aleh Słucki pa mianušcy Mumu i Paštet.
Banda Mamuki znajšła hrupu maładych ludziej, jakija abnajaŭnivali hrošy. A tyja ŭ svaju čarhu zavałodvali numarami mabilnych, telefanavali ź virtualnych numaroŭ zamiežnych apierataraŭ, vymańvali rekvizity bankaŭskich kart.
Telefonnych ašukancaŭ banda šantažavała paklopam i pahrozami. U vyniku złačynnaja hrupa abakrała «fišynhieraŭ» bolš čym na 23 tysiačy rubloŭ.
U asobnych vypadkach abvinavačanyja pierachodzili da spravy. Jany źbivali i dušyli tych, chto im nie padparadkavaŭsia. Kali paciarpiełyja nie hatovyja byli pastajanna addavać hrošy, raz za razam prychodzili z pahrozami, u tym liku i ŭ adras rodnych i blizkich.
Abvinavačanym pahražaje da 15 hadoŭ pazbaŭleńnia voli.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ156
Kamientary