Яе шасціметровы каркас зроблены з металу, а іголкі — з воўны.
Арыгінальную навагоднюю ялінку звязалі жыхары Нур-Султана, паведамляе тэлеканал «Мір 24». Кожны з выканаўцаў гэтай працы вязаў сваю частку, а пасля лапікі злучалі ў адзінае палатно.
Сотні метраў пухнатай пражы фісташкавага колеру складаюць «ігліцу» навагодняга дрэва. Дадаткова яго ўпрыгожылі мяккімі цацкамі і клубкамі.
Усталявалі дрэва ў цэнтры сталіцы, а працягваць яго ўпрыгожваць гараджане змогуць да сярэдзіны студзеня.
Падобныя экаялінкі ў Нур-Султане збіраюць ужо тры гады запар. Далучаюцца да акцыі ўдзельнікі і з іншых гарадоў Казахстана.
Каментары