Ужо ў жніўні будуць распрацаваныя планы забудовы жылых раёнаў Шчомысліца, Тарасава, Дзегцяроўка.
Будаўніцтва новых жылых раёнаў Мінска за кальцавой аўтадарогай пачнецца ў 2011—2012 годзе. Аб гэтым паведаміў намеснік старшыні Мінгарвыканкама Андрэй Ясючэня 5 жніўня на прэс‑канферэнцыі.
Паводле яго слоў, ужо ў жніўні будуць распрацаваныя планы забудовы жылых раёнаў Шчомысліца, Тарасава, Дзегцяроўка.
У 2009 і 2010 гадах плануецца прыступіць да праектавання раёнаў Ельніца і Новы Двор. Акрамя таго, вызначаны пад забудову раён Смалявіч (райцэнтр за 39 км ад Мінска). Праектаванне апошніх трох раёнаў пачнецца пасля падпісання ўказа прэзідэнта аб перадачы гэтых тэрыторый ад Мінскай вобласці Мінску. Падрыхтоўка ўказа пачнецца пасля зацвярджэння прэзідэнтам скарэктаванага Генеральнага плана Мінска, якое плануецца ў кастрычніку‑лістападзе.
Акрамя будаўніцтва жылых раёнаў за межамі МКАД распрацоўваецца праграма забудовы тэрыторыі, якая прылягае да кальцавой аўтадарогі. Гэту працу з удзелам Мінгарвыканкама вядзе Мінаблвыканкам. Праграма прадугледжвае будаўніцтва магазінаў, гіпермаркетаў, супермаркетаў, аб’ектаў грамадскага харчавання, аўтазаправачных станцый, аб’ектаў паслуг. Цяпер праграма праходзіць узгадненне, пры гэтым некаторыя аб’екты, не чакаючы зацвярджэння, ужо будуюцца.
Памілаваныя 15 чалавек, сярод якіх 13 палітвязняў15
Каментары