Кіраўнік гэтак званай «Данецкай народнай рэспублікі» Дзяніс Пушылін заявіў у інтэрв'ю «Расіі 1» аб падрыхтоўцы Украінай наступу на Данбасе.
«Па характары тых мерапрыемстваў, якія праводзяцца з боку Украіны — гэта ідзе падрыхтоўка да наступу. Я кажу пра тое, што падцягваецца тэхніка, рыхтуюцца танкавыя экіпажы, прычым у тых месцах дыслакацыі, куды яны адводзіліся, там сканцэнтраваныя артылерыйскія разлікі і танкавыя», — цытуе Пушыліна РІА «Навіны».
Паводле яго слоў, да межаў падцягнутыя сістэмы залпавага агню «Ураган» і «Смерч», прыбылі замежныя журналісты «і інструктары ЗША і Брытаніі, якія ўжо каля пазіцый практычна адкрыта фатаграфуюцца і выкладваюць у інтэрнэт».
Акрамя таго, Пушылін заявіў, што на «лініі судакранання» з украінскага боку знаходзяцца каля 129 тысяч вайскоўцаў.
«Гэта тое, што мы бачым, і гэта тыя, якія не трапляюць пад ратацыйныя колькасныя змены. Маецца на ўвазе, што гэта тая стабільная лічба, якая цяпер нам бачная на працягу месяцаў трох з паловай прыкладна», — сказаў ён.
Таксама, па словах Пушыліна, у ДНР маюць звесткі аб падрыхтоўцы дыверсійных груп, мэтай якіх з'яўляецца здзяйсненне тэрактаў у Данбасе. У прыватнасці, заявіў ён, у рэгіён накіраваныя «найбольш ашалелыя радыкалы, я маю на ўвазе «Правы сектар»».
У ДНР, запэўніў Пушылін, пакуль не рыхтуюцца ісці ў наступ.
«Мы восьмы год ваюем і прывыклі». Што ва Украіне думаюць пра магчымае расійскае і беларускае ўварванне?
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары