Улады Бельгіі абвясцілі аб тым, што з 7 лютага грамадзянам краіны будуць выдаваць замежныя пашпарты новага дызайну. Старонкі вырашылі ўпрыгожыць героямі намаляваных бельгійскімі аўтарамі коміксаў, паведамляе тэлекампанія RTBF.
Так, на іх з'явяцца выявы Цінціна (героя, створанага бельгійскім мастаком Эржэ), смурфікаў, Ларга Вінча і іншых.
Як патлумачыла міністр замежных спраў Сафі Вільмес, ідэя тут у тым, каб пры паездках за мяжу жыхары краіны прадстаўлялі ў тым ліку бельгійскія мастацтва і культуру. Яна адзначыла, што дызайн новых дакументаў не толькі таленавіты, але і нясе адценне гумару.
Рашэнне абнавіць дызайн пашпарта звязана ў тым ліку і з усё большай колькасцю злачынстваў, звязаных з падробкай дакументаў. У сувязі з гэтым пашпарт будзе дадаткова абаронены. Так, напрыклад, на героях коміксаў будуць размешчаныя імёны іх стваральнікаў, пабачыць якія можна будзе толькі з дапамогай павелічальнага шкла.
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары