«Мы знаходзіліся ў краме крафтавага піва». Беларуска распавяла, як сядзела ў бомбасховішчы
Беларуска Марыя Грыц разам з маленькай дачкой знаходзілася ў прыгарадзе Кіева, у горадзе Бравары, калі пачалася бамбёжка.
Ранкам яна прачнулася ад таго, што за вакном грыміць. Гэта была не навальніца, а гукі разрываў снарадаў.
У 16-павярховіку, дзе жыве беларуска, на падвальным паверсе знаходзіцца часовае укрыццё.
«У нас там звычайна крамы. Мы сядзелі ў краме крафтавага піва, гэта проста глыбокі падвал», — дзеліцца Марыя.
Рашэнне спусціцца ў сховішча яна прыняла няхутка.
«У нас пад Браварамі вайсковая часць, і яе рана раніцай бамбілі, потым днём яшчэ раз. Я думала, два разы ў адно месца не падае. Але калі другі снарад ляцеў, і моцна страсанула дом, задрыжэлі вокны, тады мы пайшлі ўніз», — гаворыць беларуска.
З сабой жанчына захапіла дакументы, грошы, кофту і мульцікі для дачкі. Некаторыя жыхары дома ўжо з’ехалі, астатнія час ад часу таксама спускаліся ў сховішча:
«Асабліва ніхто не хацеў там заставацца доўга, усё ж такі замкнёная прастора, дзеці пачыналі капрызіць хутка. Не магу сказаць, колькі людзей там было. Хтосьці выходзіў сабак выгульваць, мужчыны выходзілі папаліць».
Пазней адключылі ліфты ў доме, таму, хто што паспеў прынесці, тое і меў з сабой.
Марыя правяла ў сховішчы пяць гадзін. Пасля яны з дачкой вырашылі з’язджаць з горада. Рэчы былі сабраныя яшчэ з папярэдняга дня.
Чытайце яшчэ:
Расія напала на Украіну АНЛАЙН
Цяпер чытаюць
Цэны на кватэры ў «Мінск-Свеце» падаюць, а ў Мінску — растуць. Сумныя перспектывы для раёна?3
Каментары