70% украінцаў ускладаюць віну за напад на Украіну на Лукашэнку, але не на беларускі народ. Вынікі апытання
Украінская сацыялагічная група «Рэйтынг» 1 сакавіка правяла рэпрэзентатыўнае тэлефоннае апытанне насельніцтва Украіны.
Аляксандр Лукашэнка і Уладзімір Зяленскі на форуме «Украіна — Беларусь» у Жытоміры 6 лістапада 2019 года. Пра тое, што будзе праз 2 з лішкам гады, ніхто тады яшчэ не здагадваўся.
На пытанне аб тым, хто ў Расіі вінаваты ў вайне супраць Украіны, 55% рэспандэнтаў усклалі адказнасць толькі на ўлады Расіі, 38% — на ўлады і на народ Расіі.
Адносна Беларусі віну за ўварванне толькі на беларускія ўлады ўсклалі 70% апытаных, а 24% — і на беларускія ўлады, і на беларускі народ.
У рэгіянальным разрэзе ў паўднёвых і ўсходніх рэгіёнах адносна меншая доля апытаных абвінавачваюць народ і ўлады Расіі ў развязванні вайны супраць Украіны.
Што да Беларусі, то ва ўсіх макрарэгіёнах большасць (ад 60% на Захадзе да 80% на Усходзе) ускладаюць віну за ўварванне толькі на кіраўніцтва Беларусі.
Каментары