На дырэктара і ўладальніка «Медыя-Палесся» завялі крымінальную справу
Іх абвінавачваюць ва злоўжыванні службовымі паўнамоцтвамі, нібыта абвінавачаныя на працягу двух гадоў не рабілі падатковыя выплаты і абавязковыя адлічэнні ў ФСАН і Белдзяржстрах.
Паводле пракуратуры Брэсцкай вобласці, службовыя асобы «МП Компані» «неаднаразова парушалі правы сваіх супрацоўнікаў».
У прыватнасці, пракуратура ўстанавіла, што на працягу больш чым двух гадоў дырэктар і заснавальнік арганізацыі не праводзілі падатковыя выплаты і абавязковыя адлічэнні ў Фонд сацыяльнай абароны насельніцтва і Белдзяржстраха ў дачыненні да асобных работнікаў.
Паводле пракуратуры, выплата «шэрага заробку» «не толькі пазбавіла работнікаў магчымасці ўключэння гэтага перыяду ў працоўны стаж пры налічэнні пенсіі, але і прычыніла шкоду дзяржаве на суму звыш 10 тысяч рублёў».
Заведзеная крымінальная справа па факце злоўжывання службовымі паўнамоцтвамі па арт. 424 Крымінальнага кодэкса (караецца тэрмінам зняволення да шасці гадоў).
Каментары