Міністэрства адукацыі прыняло пастанову №58 «Аб правядзенні цэнтралізаванага тэставання ў 2022 годзе». Яна датаваная 29 сакавіка і на сайце пакуль не з'явілася.
Паведамляецца, што дакументам вызначаныя дні, калі адбудзецца ЦТ па розных прадметах, піша Onliner.by.
Графік выглядае так:
14 чэрвеня — беларуская мова;
16 і 17 чэрвеня — руская мова;
19 чэрвеня — грамадазнаўства;
21 і 22 чэрвеня — матэматыка;
24 чэрвеня — біялогія;
26 чэрвеня — замежная мова (англійская, нямецкая, французская, іспанская, кітайская);
28 чэрвеня — хімія;
30 чэрвеня — фізіка;
2 ліпеня — гісторыя Беларусі;
4 ліпеня — геаграфія;
6 ліпеня — сусветная гісторыя (найноўшы час).
Рэзервовыя дні ЦТ:
12 і 14 ліпеня — беларуская і руская мовы;
12 і 16 ліпеня — астатнія прадметы.
Пачатак тэстаавання — 11:00.
Пункты рэгістрацыі будуць адчыненыя з 09:00 да 19:00 (у суботу — з 09:00 да 18: 00). Рэгістрацыя на рэзервовыя дні прызначаная на 2-7 ліпеня.
Цяпер чытаюць
«На такую х**ню павялася». Расіянка прыехала з Сібіры ў Беларусь і цяпер з мацюкамі расказвае, як тут складана жыць32
Каментары