77-гадовы Аляксандр Бухвостаў пасля затрымання трапіў у бальніцу
Пра тое, што 77-гадовы старшыня Свабоднага прафсаюза металістаў Аляксандр Бухвостаў пасля затрымання 19 красавіка патрапіў у бальніцу з сардэчным прыступам, паведаміла на падставе сваіх крыніц інтэрнэт-газета «Салідарнасць».
Аляксандр Бухвостаў — вядомы дзеяч незалежнага прафсаюзнага руху яшчэ з пачатку 1990-х, у 1993—2004 гадах ён быў старшынёй Беларускай партыі працы, пакуль яе не закрылі ўлады.
Акрамя таго, паводле звестак «Салідарнасці», дагэтуль застаюцца ў няволі Аляксандр Ярашук, Сяргей Антусевіч, Ірына Бут-Гусаім, Мікола Шарах, Генадзь Фядыніч, Яна Малаш, Віталь Чычмароў, Міхаіл Громаў, Васіль Бераснеў, Зміцер Бародка, Аляксандр Еўдакімчык, і Міраслаў Сабчук.
Ігар Комлік, Алена Яськова, Ганна Дусь, Мікалай Герасіменка, Вадзім Пайвін і Юрый Белякоў пасля допытаў, а некаторыя пасля допытаў і сутак у СІЗА вызваленыя і знаходзяцца пад падпіскай аб неразгалошванні. Гэта прафсаюзныя юрысты і журналісты.
Чытайце таксама:
«З гэтымі панятымі цэлая гісторыя»: жонка прафсаюзнага лідара Аляксандра Ярашука расказала, як праходзіў ператрус у іх дома
Узначальвалі рабочы рух яшчэ ў 90-х. Каго затрымалі ў справе незалежных прафсаюзаў
Зачыстка незалежных прафсаюзаў: прайшлі ператрусы ў офісах і на кватэрах актывістаў
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй43
Каментары