Аб’яўлены набор у «Акадэмію Ў», дзе навучаць абараняць беларускую мову
Моўныя актывісты Ігар Случак і Аліна Нагорная запусцілі анлайн-курс па абароне беларускай мовы «Акадэмія Ў».
«Беларускай мовы ў Беларусі больш не становіцца, дыскрымінацыя па моўнай прыкмеце працягваецца. Па-беларуску ўсё яшчэ немагчыма аформіць картку, атрымаць адукацыю, уладкавацца на працу, замовіць тавары з анлайн-крамы. Беларуская мова сама па сабе не з'явіцца ў заканадаўстве, на шыльдах, у крамах, на старонках сайтаў, у справаводстве дзяржаўных устаноў, у спорце і гэтак далей. Таму мы і запускаем курсы, дзе навучым прасоўваць змены ў заканадаўства і дасылаць афіцыйныя звароты», — тлумачаць патрэбу акадэміі актывісты.
Курс будзе праходзіць у анлайн-фармаце. Падаць заяўку на яго можна тут. Колькасць месцаў абмежаваная.
Не так даўно Ігар Случак і Аліна Нагорная таксама выпусцілі кнігу «Абаронім вёску», якая закліканая дапамагчы дасылаць пісьменныя звароты чыноўнікам для вырашэння мясцовых праблем. Прычым рабіць гэта так, каб яны не былі праігнараваныя.
Чытайце таксама:
Дактары не верылі, што гэты мінчук будзе хадзіць пасля комы, а ён стаў дырэктарам салона прыгажосці, які наведваюць Багінская і Севярынец
-
«На тобе й кош і рыба». 81‑гадовая Вера запісала ўспаміны пра Давыд-Гарадок 1950‑х і зрабіла аўдыязапісы дарагой яе душы гаворкі
-
У Мінску на беларускай мове вучыцца 1,6% школьнікаў — жахлівая статыстыка русіфікацыі
-
Яндзы і Дзіньпін. У беларускай мове змянілі нормы перадачы кітайскіх назваў — новае напісанне дакладней перадае кітайскае гучанне
Каментары