Дачка Уладзіміра Пуціна Кацярына Ціханава стварыла сям'ю з мастацкім кіраўніком Баварскага дзяржаўнага балета Ігарам Зяленскім і апошнія гады жыла з ім на дзве краіны — у Расіі і ў Нямеччыне, пішуць «Важныя гісторыі» са спасылкай на дакументы, якія аказаліся ў іх распараджэнні, а таксама крыніцу ў Баварскім балеце.
Адзін з дакументаў, на якія абапіраюцца «Важныя гісторыі», — гэта спіс пасажыраў чартарнага рэйса Мюнхен — Масква 9 снежня 2019 года. Як вынікае з публікацыі, гэтым рэйсам ляцелі Кацярына Ціханава, Ігар Зяленскі, іх двухгадовая дачка, а таксама дзве няні, настаўніца фартэпіяна і трое супрацоўнікаў Службы бяспекі прэзідэнта Расіі.
У распараджэнні журналістаў таксама аказаліся даныя з электроннай пошты супрацоўніка Службы бяспекі прэзідэнта, які, як сцвярджаецца, з'яўляецца асабістым ахоўнікам Кацярыны Ціханавай. Сярод гэтых дакументаў ёсць даныя пашпартоў Ціханавай, Зяленскага і іх дачкі.
Нарэшце, крыніца ў Баварскім балеце заявіла выданню Der Spiegel, з якім «Важныя гісторыі» супрацоўнічалі ў працы над матэрыялам, што Ігар Зяленскі — «хутчэй за ўсё, партнёр дачкі Пуціна».
52-гадовы Ігар Зяленскі — паспяховы расійскі артыст балета, быў запрошаным салістам многіх заходніх тэатраў. З 2016 года па красавік 2022-га ўзначальваў Баварскі дзяржаўны балет. Ён таксама ўваходзіць у Назіральную раду фонду «Нацыянальная культурная спадчына», якая павінна была па прапанове Уладзіміра Пуціна будаваць культурна-адукацыйныя комплексы ў розных рэгіёнах Расіі і стаў вядомы з-за маштабных скарачэнняў супрацоўнікаў у 2020 годзе, піша Meduza.io.
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава6
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4444
Каментары