Памятаеце фермера Ганцэвіча, якога ТБ паказала асуджаным за наркотыкі? Аказваецца, тэлевізійшчыкі памыліліся з кадрамі
Гомельскі фермер на волі, а ніякага суда не было.
Юрыя Ганцэвіча, які ўдзельнічаў у прэзідэнцкіх выбарах 2020 года, тэлерадыёкампанія «Гомель» паказала ў сюжэце за 10 мая пра суд за распаўсюджванне псіхатропаў.
З відэа вынікала, што мужчыну абвінавацілі ў працы на інтэрнэт-краму наркотыкаў з красавіка 2020-га па жнівень 2021-га года. Нібыта ён атрымоўваў тавар у Расіі, фасаваў і рабіў закладкі ў Гомельскай вобласці. Паводле следства, абвінавачаны паспеў прадаць псіхатропы як мінімум сямі пакупнікам і зарабіў каля 160 тысяч рублёў.
Пазней аказалася, што гэта «тэхнічная памылка». Асуджаны быў зусім іншы чалавек, а дзяржТБ проста выкарыстала архіўныя кадры з Ганцэвічам.
«Было паказанае месца для абвінавачанага, дзе знаходзіўся грамадзянін, які не мае дачынення да вышэйзгаданага злачынства», — патлумачыла ТБ.
Фермер на волі.
«Абгаварылі мяне. Напісаў на ўсіх заявы, у тым ліку і на Гомельскае тэлебачанне», — расказаў ён «Еўрарадыё».
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны18
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары