Расія б'е па Харкаве забароненымі боепрыпасамі — Amnesty International
Amnesty International выявіла ў Харкаве абломкі касетных боепрыпасаў 9Н210/9Н235.
Amnesty International выявіла ў Харкаве абломкі касетных боепрыпасаў 9Н210/9Н235. Даследнікі таксама выявілі шматлікія сколы на зямлі, якія адпавядаюць слядам ад касетных боепрыпасаў 9Н210/9Н235, паведамляе Amnesty International.
Дактары дзвюх харкаўскіх бальніц паказалі даследчыкам Amnesty International гранулы, якія яны вынялі з пацярпелых у выніку абстрэлу касетнымі боепрыпасамі.
Amnesty ў сваёй справаздачы нагадвае таксама пра звычайныя некіраваныя артснарады, адхіленне якіх ад цэлі можа складаць да ста метраў.
Праваабаронцы кажуць, што жылыя раёны Харкава падвяргаліся абстрэлам і бамбардзіроўкам з першага дня вайны, і за два месяцы бесперапынных удараў яны нанеслі маштабны ўрон гораду з насельніцтвам у 1,5 млн чалавек.
Касетныя боепрыпасы прадстаўляюць сабой кантэйнер, які змяшчае дзясяткі суббоепрыпасаў. Яны раскідваюцца на зададзенай вышыні над зямлёй. Высокі працэнт суббоепрыпасаў не выбухае пры ўдары, і такім чынам фактычна ператвараецца ў наземныя міны.
Прымяненне (а таксама вытворчасць, назапашванне, продаж або перадача) касетных боепрыпасаў забароненая міжнародным правам.
Каментары