Жазэп Барэль: Еўрасаюзу настаў час адмовіцца ад прынцыпу адзінагалоснасці, ім злоўжываюць
На думку кіраўніка еўрапейскай дыпламатыі Жазэпа Барэля, Еўрасаюзу настаў час адмовіцца ад прынцыпу аднагалоснасці пры прыняцці стратэгічных і лёсавызначальных рашэнняў. Пра гэта ён напісаў у сваім блогу.
«У розны час мы расплачваліся за прынцып аднагалоснасці ў знешняй палітыцы ЕЗ, паслабляючы і зацягваючы свае дзеянні», — растлумачыў сваю пазіцыю Барэль.
Ён адзначыў, што аўтсайдары ўсё часцей выкарыстоўваюць права вета і сядзяць на сваіх пазіцыях, не шукаючы здаровага кампрамісу, і гэтая практыка апошнім часам набірае абароты.
Барэль прывёў прыклад з увядзеннем санкцый супраць Расіі, згадаўшы, што з санкцыйнага спісу ў апошні момант незразумелым чынам знік патрыярх Кірыл, які з'яўляецца перакананым прыхільнікам пуцінскай вайны.
«У канцы мая мы дасягнулі дамоўленасці аб 6-м пакеце санкцый супраць Расіі (у дачыненні да нафты, страхавання і пашырэння санкцыйнага спісу). Але нам спатрэбіўся на гэта месяц. І я шкадую, што некаторыя заключныя палажэнні былі памякчаныя, і патрыярх Кірыл быў выключаны са спісу падсанкцыйных асоб, нягледзячы на тое, што ягоная прысутнасць у спісе не аспрэчвалася падчас абмеркаванняў на саміце», — расказаў Барэль.
У сувязі з гэтым ён падкрэсліў, што ў такіх сітуацыях «мы павінны перагледзець наш працэс прыняцця рашэнняў».
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары