«Перажыць нянавісць тысяч мне прасцей, чым смерць тысяч» — беларускі паэт на адрас украінцаў
Закончыцца вайна — можам крыўдзіцца, можам сварыцца, піша Стась Карпаў.
«Рускія ўкраінцаў не чуюць. Таму для сваёй нянавісці украінцы выбралі нас, то-бок людзей, якія гатовыя іх слухаць, — піша ў сябе ў фэйсбуку публіцыст, паэт і дызайнер Стась Карпаў. — Але, паўтаруся, перажыць нянавісць тысяч мне прасцей, чым смерць тысяч. Таму, адзінае, што магу параіць, — не размаўляць і дапамагаць. Там разбяромся. Закончыцца вайна — можам крыўдзіцца, можам сварыцца. Ведаеце, сварыцца з жывымі людзьмі — гэта ж шчасце насамрэч», — па-філасофску кажа паэт.
У выніку нападу Расіі, падтрыманай уладамі Аляксандра Лукашэнкі, на Украіну за чатыры месяцы загінулі дзясяткі тысяч вайскоўцаў з абодвух бакоў, а таксама дзясяткі тысяч мірных жыхароў. Агульную колькасць ахвяр пакуль немагчыма падлічыць. Марыупаль, Валнаваха, Севераданецк, Рубежнае, Папасная ды іншыя ўкраінскія гарады за гэтыя месяцы былі практычна татальна разбураныя. У адной Кіеўскай вобласці, у якую расійскія войскі ўварваліся з тэрыторыі Беларусі, за час баёў і акупацыі ў сакавіку загінулі 1325 мірных жыхароў.
-
Штрафы за прапаганду бяздзетнасці? «Хай сам нараджае»
-
Ганна Бонд пакпіла наконт «выцця з балот» пра арышты ў архітэктурным бюро «Зробім». Ох ёй і адказалі
-
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках
Каментары