Міністры спорту 35 краін заклікаюць выключыць Расію і Беларусь з міжнародных спартыўных арганізацый
Міністры спорту 25 краін Еўрасаюза, а таксама Вялікабрытаніі, Ліхтэнштэйна, Канады, Ісландыі, ЗША, Аўстраліі, Новай Зеландыі, Паўднёвай Карэі, Японіі і Нарвегіі прынялі сумесную заяву па Беларусі і Расіі ў сувязі з вайной ва Украіне, піша Reform.by.
У заяве гаворыцца, што вайна Расіі супраць Украіны, якая падтрымліваецца беларускімі ўладамі, з'яўляецца несправакаванай, неапраўданай і парушае міжнародныя абавязальніцтвы Расіі.
Міністры заклікаюць:
- прыпыніць членства нацыянальных расійскіх і беларускіх спартыўных органаў у міжнародных спартыўных федэрацыях;
- пазбавіць асоб, цесна звязаных з уладамі Беларусі і Расіі, у тым ліку членаў урада, уплывовых пасад у міжнародных спартыўных арганізацыях;
- нацыянальныя і міжнародныя спартыўныя арганізацыі не павінны трансляваць свае спаборніцтвы ў Беларусі і Расіі;
- пры ўдзеле прадстаўнікоў Беларусі і Расіі ў спартыўных мерапрыемствах трэба пераканацца, што яны не прадстаўляюць беларускую або расійскую дзяржаву, забараніць выкарыстанне дзяржаўных сцягоў, гімнаў і гербаў Беларусі і Расіі.
Цяпер чытаюць
Цэны на кватэры ў «Мінск-Свеце» падаюць, а ў Мінску — растуць. Сумныя перспектывы для раёна?3
Каментары