Байкот усёй рускай культуры з'яўляецца «зусім няправільным», у грамадстве вядуцца дыскусіі з гэтай нагоды, аднак рускія мастакі нярэдка спрабуюць захаваць «апошнюю прастору свабоды», заявіла дзяржаўны міністр, федэральны ўпаўнаважаны па культуры і сродках масавай інфармацыі Клаўдыя Рот у інтэрв'ю Augsburger Allgemeine Zeitung.
«Такая вялікая руская культура, ці гэта музыка, ці гэта літаратура, ці Антон Чэхаў. Я не дазволю Пуціну забраць у мяне Чэхава!» — сказала яна.
Рот нагадала, што нядаўна ў зямлі Паўночны Рэйн-Вестфалія забаранілі моладзеваму аркестру граць музыку кампазітара Пятра Чайкоўскага. Як пісала газета Kölner Stadt-Anzeiger, пад забаронай для публічных рэпетыцый канцэрта аказаліся 2-я і 3-я сімфоніі рускага кампазітара, такое рашэнне прыняў мэр Ліндлара Георг Людвіг.
Пасля пачатку агрэсіўнай вайны Расіі супраць Украіны і шэрагу ваенных злачынстваў Расіі некаторыя дзеячы культуры сутыкнуліся з адменай сваіх выступаў ці адмовамі ад супрацоўніцтва.
Цяпер чытаюць
Квадрат у Мінску каштуе рэкордна дорага: нарэшце пабіты рэкорд 2007 года1
Каментары