Пасля адмены контрсанкцый імпарт польскіх яблык у Беларусь б'е рэкорды
Экспарт польскіх яблыкаў у Беларусі расце другі месяц запар, паведамляе польскі сельскагаспадарчы партал sad24.pl са спасылкай на звесткі польскай дзяржаўнай інспекцыі аховы раслін і насення.
Па звестках партала, чэрвень стаў другім месяцам, які паказвае рост. У параўнанні з чэрвенем мінулага года экспарт яблыкаў у Беларусь павялічыўся на 33%. Усяго ж у чэрвені 2022 года Польшча паставіла ў Беларусь 10 тысяч тон яблыкаў.
У маі 2022 года Польшча экспартавала ў Беларусь 14 448 тон свежых яблыкаў, гэта самы высокі паказчык за сезон 2021/2022 года.
Нагадаем, што напрыканцы мінулага года Беларусь увяла харчовае эмбарга ў дачыненні да прадукцыі з Еўрасаюза. Але праз чатыры месяцы са спісу выключылі шэраг прадуктаў, у тым ліку і яблыкі. Хоць спачатку ўлады запэўнівалі, што Беларусь дасць рады сваімі сіламі і дзякуючы «сяброўскім» краінам.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў105
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары