Міністэрства юстыцыі 1 жніўня зарэгістравала Рэспубліканскае грамадскае аб'яднанне «Беларуская федэрацыя футгольфа».
Фота: Вікіпедыя
Федэрацыя плануе развіваць футгольф ў Беларусі і папулярызаваць гэты экзатычны не толькі ў нас від спорту.
Футгольф, як відаць нават з назвы, аб'ядноўвае ў сабе элементы футбола і гольфа. Паводле яго правіл, гулец павінен прайсці поле з 9 або 18 лункамі, імкнучыся загнаць футбольны мяч у кожную з іх за найменшую колькасць удараў. Першы чэмпіянат свету па гэтым відзе спорту прайшоў у 2009 годзе, а міжнародную федэрацыю стварылі ў 2012-м.
У Беларусі першае поле для футгольфа з'явілася ў 2017 годзе ў вёсцы Краснагорка Браслаўскага раёна. Пераможцам першага ў краіне турніру па футгольфе стала каманда з Відзаў.
Каментары