«Затрымалі 90 чалавек». Што вядома пра масавыя затрыманні на рынку «Новы Лебядзіны» ў Табарах
Пра тое, што на рынак «Новы Лебядзіны» ў чацвер прыехаў АМАП, паведаміла «Радыё Свабода» са спасылкай на відавочцу. Сын адной з супрацоўніц распавёў «Зеркалу», што большасць затрыманых — людзі, у якіх некалькі пашпартоў.
Усё здарылася сёння раніцай, распавёў чытач «Зеркалу». Ён сказаў, што яго маці прыехала на працу каля 9 раніцы — і ўжо ўбачыла супрацоўнікаў АМАП ў балаклавах. Таксама каля рынку стаялі «два аўтазакі і адзін аўтобус».
— Забіралі ўсіх, у каго няма беларускага пашпарта: узбекаў, расіян, таджыкаў. Затрымлівалі спакойна. Не толькі супрацоўнікі АМАПа, але і людзі ў цывільным. Беларусаў праверылі і адпусцілі. Мама паразмаўляла з ахоўнікам рынка, усяго затрымалі 70 мужчын і 20 жанчын. Яна зразумела так, што ўжо далей у міліцыі будуць разбірацца, што з імі рабіць.
Прычыну затрымання на рынку не ведаюць.
— А з-за чаго на самай справе, невядома. Раней былі такія затрыманні на рынку ў Ждановічах. Тут — упершыню.
У адміністрацыі рынка сказалі, што затрыманні былі, але ў сувязі з чым, інфармацыі ў іх няма.
— Я на працу выходзіць баюся. Растлумачце, што адбываецца?
— Бярыце пашпарт і ідзіце на працу.
— А пашпарт навошта?
— Каб ведалі, што свае людзі.
Цяпер чытаюць
У Мінску пачалі судзіць трох беларусаў, якім павесілі «тэрарызм» і «здраду дзяржаве». Аднаго з іх затрымалі ў Крыме1
У Мінску пачалі судзіць трох беларусаў, якім павесілі «тэрарызм» і «здраду дзяржаве». Аднаго з іх затрымалі ў Крыме
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары