Фота: сацсеткі Уладзя Белавусава

Белавусаў родам з Воршы. З дзяцінства хлопец займаўся лёгкай атлетыкай, але пасля пачаў гуляць у хакей на траве. І гэтае хобі стала прафесіяй.

Спачатку ён два гады гуляў за клуб «Гомель», а пасля — за «Мінск». Цяпер ён гуляе яшчэ і ў нацыянальнай зборнай Беларусі пад №10. Яго нават аднойчы прызнавалі найлепшым гульцом сезону.

Фота: zerkalo.io са спасылкай на інстаграм Белавусава

Уладзь з сям'і спартоўцаў — ягоная маці трэнерка па хакеі на траве, яна і была яго першай трэнеркай, а стрыечны брат таксама гулец.

Тыкток харызматычны спартовец пачаў весці трохі больш за два гады таму і хутка «ўзляцеў». Па прызнанні хлопца, гэта яшчэ і дапамагае папулярызаваць улюблёны спорт — на матчы ХК «Мінск» пачалі прыходзіць людзі з ягонага тыктоку.

Цяпер хлопец перавысіў адзнаку ў два мільёны падпісантаў у тыктоку і 777 тысячаў у інстаграме. Ягоны брат Андрэй таксама тыктокер і мае 1,7 мільёна падпісантаў.

Сацсеткі Уладзя

На відэа, апублікаваным ГУБАЗіКам, спартовец выглядае падаўленым, з цяжкасцю прамаўляе словы, ледзь не плача. Ён кажа, што «ўдзельнічаў у пратэстах», «дзяліўся інфармацыяй з тэлеграм-каналаў» і «пакрыўдзіў сілавікоў».

Напрыканцы відэа паказваюць, як хлопец стаіць на каленях з тварам, уткнутым у дывановае пакрыццё — мяркуючы па антуражы, гэта кабінет супрацоўнікаў ГУБАЗіКа. На кадры накладзеная песня са словамі «я сяду».

Скрыншот з ГУБАЗіКаўскага відэа

Сілавікі дзякуюць «неабыякавым падпісантам» за тое, што яны «злілі» ім старыя відэа хлопца, на якіх ён удзельнічае ў пратэстах у 2020 годзе. Іначай, кажуць яны, «матэрыялы маглі згубіцца на прасторах інтэрнэту». Аднак да такіх сцвярджэнняў варта ставіцца скептычна. Такімі заявамі часта прыкрываюць сапраўдныя спосабы здабыцця інфармацыі. Акрамя таго, так матывуюць патэнцыйных даносчыкаў, каб уцягнуць як мага больш людзей у саўдзел у масавых рэпрэсіях.

Мяркуючы па паведамленні сілавікоў, супраць Белавусава заведзеная крымінальная справа па «народным» 342-м артыкуле за ўдзел у руху за свабодныя выбары і аднаўленне канстытуцыйнай законнасці.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Iмя / Адказаць
04.10.2022
На падлозе не "дывановае пакрыццё"
0
Копают под себя / Адказаць
04.10.2022
губоп очень странен.
Штатное рассписание губопа, численность, занимаемые должности и направления работы сотрудников, по фамильно, ни засекретить,  ни анонимизировать невозможно в принципе. От зарплатных ведомостей бухгалтерии, до ведомостей выдачи оружия, обмундирования и т.д. и т.п.
 Это, при нелегитимном лукашенко, у губопа, КГБ, МВД появилась иллюзия безнаказанности и вседозволенности, но это - временное явление.
 Во-первых, нелегитимный, спасая свой зад и приближенные задницы, своих,  высокопоставленных соратников, мусор губопа, КГБ. МВД сдаст в мгновение ока.
 А если уедет на покой в ОАЭ, при лучшем раскладе, то этот мусор губопа, совершавший, совершающий преступления, пытающий, издевающийся над белорусами и населением Беларуси, будет деанонимизирован и индетефицирован в мгновение ока.
4
даведка / Адказаць
04.10.2022
Считаю, что так сломить физически крепких и спортивных мужиков могут лишь угрозой группового мужеложства.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру