Прыгожын заклікаў дэпутатаў Дзярждумы РФ узначаліць падраздзяленні тыпу «ПВК Вагнера» або «ўзяцца за аўтаматы»
Набліжаны да Пуціна бізнэсмен і адзін са стваральнікаў «ПВК Вагнера» Яўген Прыгожын прапанаваў дэпутатам Дзярждумы РФ «узначаліць падраздзяленні тыпу «ПВК Вагнера» або «ўзяцца за аўтаматы». Яго заяву апублікавала прэс-служба «Канкорда».
Прыгожын заявіў, што цяпер «неабходная кансалідацыя грамадства», і, паводле яго, людзі, якія гадамі гаварылі з трыбун, «павінны пачаць нешта рабіць».
«Дзе гэтыя згуртаваныя камуністы з КПРФ, дзе ЛДПР, якая, застаўшыся без Жырыноўскага, усе мы бачым, ператварылася ў «клаўнаду»? Я ўжо не кажу пра партыю «Родина», якую я ў свой час здуру падтрымаў, спадзеючыся выхаваць з іх сапраўдных патрыётаў», — заявіў ён.
«Таму спадароў «гаваруноў» заклікаю сабрацца ў кучу і ўзначаліць падраздзяленні тыпу «ПВК Вагнера». А тым, хто не мае арганізатарскіх здольнасцей, узяцца за аўтаматы ці хаця б сапёрныя лапаткі. Вось сапраўдная карысць. Вось сапраўднае служэнне Айчыне», — выказаў сваё меркаванне Прыгожын.
Яўген Прыгожын раней прызнаў, што з'яўляецца стваральнікам «ПВК Вагнера» — расійскага неафіцыйнага ваеннага падраздзялення. Яго найміты цяпер ваююць ва Украіне.
Для ўдзелу ў вайне ва Украіне «ПВК Вагнера» і асабіста Прыгожын вярбуюць у тым ліку зэкаў.
У Расіі цяпер ідзе «частковая» мабілізацыя, але дэпутаты абароненыя ад яе.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы65
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары
Беларусы - можа хопіць рэпосціць навіны пра расейскіх дзегенератаў?