Кіраўнік Акадэміі навук распавёў, колькі будзе каштаваць першы беларускі электрамабіль
У Беларусі плануюць наладзіць масавую вытворчасць айчынных электрамабіляў. Старшыня Прэзідыума НАН Беларусі Уладзімір Гусакоў па выніках нарады з Лукашэнкам распавёў, што такое аўто павінна быць «не вельмі дарагім».
«Мы ставім задачу, каб наш беларускі электрамабіль масавага карыстання быў не вельмі дарагім. Я сёння (18 кастрычніка) гаварыў у кіраўніка дзяржавы, што гэта павінна быць не больш як $20-25 тысяч. Гэта менавіта аўтамабіль масавага карыстання», — сказаў Гусакоў.
Спартыўныя электракары, па словах навукоўцы, будуць даражэйшыя, таму што тут ідзе гаворка пра невялікі выпуск. Да таго ж, дарагой можа быць навуковая распрацоўка, а сабекошт і цана можа знізіцца пры наяўнасці масавай вытворчасці.
Калі з’явіцца масавы айчынны электрамабіль — пакуль незразумела. Мяркуючы па апошніх навінках, гэта можа быць замежная распрацоўка, у якой беларускага будзе мізер.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары