Прадстаўнікі Палка Каліноўскага правялі сустрэчы ва ўкраінскім парламенце
Сёння ў Кіеве адбылася сустрэча прадстаўнікоў Палка Каліноўскага з Міжфракцыйным дэпутацкім аб‘яднаннем у Вярхоўнай Радзе Украіны «Дэмакратычная Беларусь», паведаміла прэс-служба Палка.
На сустрэчы прысутнічалі 12 украінскіх народных дэпутатаў на чале з кіраўніком аб'яднання Аляксеем Ганчарэнкам.
Падчас яе абмяркоўваліся пытанні беларуска-ўкраінскіх адносін у кантэксце расійскай агрэсіі.
Дэпутаты задэкларавалі жаданне супрацоўнічаць з Палком Каліноўскага як з легітымным, на іх думку, прадстаўніком беларускага народа.
У адказ на запыт байцоў Палка Каліноўскага дэпутаты Вярхоўнай Рады Украіны вырашылі запрапанаваць свайму Кабінету Міністраў унесці папраўкі ў Пастанову Кабінета Рады Міністраў Украіны № 168-2022-п, якая тычыцца выплат вайскоўцам, асобам шараговага і каманднага складу, паліцэйскім і іх сем'ям падчас дзеянн ваеннага становішча. Таксама дэпутаты вырашылі вынесці на галасаванне пастанову аб прызнанні Беларусі часова акупаванай Расіяй тэрыторыяй.
Акрамя таго, была нібыта дасягнутая дамоўленасць, што
дэпутаты Вярхоўнай рады Украіны разам з прадстаўнікамі Палка Каліноўскага будуць адстойваць інтарэсы беларускага народа ў еўрапейскіх і сусветных парламенцкіх інстытуцыях АБСЕ, ПАРЕ, Парламенцкай асамблеі НАТА.
Апошнім часам дэпутаты Вярхоўнай Рады Украіны, прытым нават на ўзроўні кіраўніка камітэта па замежных справах, зрабілі некалькі скандальных заяў, з якіх можна зразумець, што ва ўкраінскіх палітычных колах набывае папулярнасць ідэя аб палітычным выкарыстанні Палка Каліноўскага як альтэрнатывы легітымнаму прадстаўніцтву беларускага дэмакратычнага руху ў асобе Офіса Святланы Ціханоўскай і Аб'яднанага пераходнага кабінета. Не выключана, што гэтая сустрэча — таксама працяг гэтай тэндэнцыі.
Каментары
ее команды Санниковым и Позняком. Было бы еще как-то оправдано, если бы вместо
трех милых девушек в качестве представителей полка стояли они сами.