Кіраўніца падраздзялення агенцтва «Россия сегодня» ў акупаваным Сімферопалі Святлана Бабаева загінула ў Крыме ў выніку «няшчаснага выпадку», паведамляюць «РІА Навіны».
Паводле звестак інфармагенцтва, журналістка загінула на вучэбна-трэніровачным палігоне ў Крыме. З Бабаевай адбыўся нейкі няшчасны выпадак падчас заняткаў ваенна-спартыўнай стральбой. Як напісаў гендырэктар «России сегодня» Дзмітрый Кісялёў, «шалёная куля».
Святлана Бабаева два гады была кіраўніком прадстаўніцтва «РІА Навіны» ў Вялікабрытаніі, а затым займала аналагічную пасаду ў ЗША. З 2013 па 2016 год яна была галоўнай рэдактаркай «Газеты.ру», а пасля пайшла працаваць у «Россия сегодня».
Каментары