У Ноўгарад-Северскім на Чарнігаўшчыне адну з перайменаваных вуліц назвалі іменем Леаніда Кучмы
У гонар другога прэзідэнта Украіны, ураджэнца сяла Чайкіна Ноўгарад-Северскага раёна, перайменавалі вуліцу Губернскую ў цэнтры Ноўгарад-Северскага, паведамляе «Суспільне».
Ідэя з'явілася проста перад сесіяй гарадской рады. Менавіта так перайменаваць вуліцу Губернскую прапанаваў адзін з дэпутатаў, а іншыя яго падтрымалі.
У той жа час мясцовы краязнаўца Барыс Дамоцкі, які ўваходзіў у камісію па перайменаваннях вуліц, але затым выйшаў з яе, кажа, што сам ён прапаноўваў перайменаваць Губернскую ў вуліцу Івана Мазепы. Новую назву краязнаўца не падтрымлівае, бо «да Кучмы, яго палітычнай дзейнасці ёсць 100 пытанняў».
Цяперашняя вуліца Кучмы — адна з цэнтральных у Ноўгарад-Северскім. На ёй стаіць трыумфальная арка, ліцэй, тут размешчаная і гарадская рада. Да 2016 года яна насіла імя Карла Маркса, гістарычная назва Губернская была вернутая падчас дэкамунізацыі.
Сам Кучма, атрымаўшы навіну, сказаў, што «проста расчулены» і вельмі ўдзячны. Яго фраза была, па словах кіраўніцы горада: «Ноўгарад-северцы, ну вы даяцё».
Усяго ў рамках дэкамунізацыі ў Ноўгарад-Северскай грамадзе перайменавалі каля 80 вуліц, 33 з іх — у горадзе.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе29
Каментары