Вернікі прыносяць знічы да сценаў зачыненага Чырвонага касцёла ФОТАФАКТ
Фота прынесеных людзьмі да сценаў Чырвонага касцёла знічаў з'явілася на сайце Katolik.life.
Выданне піша: штогод у гэты час адбываецца малітва за памерлых. Традыцыйную актаву малітвы за памерлых сёлета праводзяць ля сценаў зачыненага Чырвонага касцёла, а не ў самім храме.
Вернікі нясуць знічы да труны фундатара касцёла Эдварда Вайніловіча, якая знаходзіцца пры храме.
У мінулыя гады ля ўвахода ў Чырвоны касцёл размяшчалі сімвалічны алтар, вакол якога з'яўляліся сотні лампадак — іх ставілі вернікі ў знак малітвы за сваіх родных, якія адышлі ў вечнасць.
Што тычыцца цяперашняй сітуацыі з Чырвоным касцёлам, то пэўнасці з ім няма, на звароты да дзяржаўных органаў адказаў не прыходзіла.
Каментары