Падчас палёту ў самалёце «Белавіі» трэснула шкло. Самалёт вярнуўся ў Мінск
Здарэнне адбылося сёння раніцай на рэйсе Мінск — Шарджа, паведамляе авіякампанія «Белавія».
Шкло трэснула ў кабіне пілотаў, і камандзір судна вырашыў вярнуцца ў Мінск.
Самалёт здзейсніў пасадку ў Нацыянальным аэрапорце ў 07.24. На борце знаходзілася 158 пасажыраў, іх здароўю і бяспецы нічога не пагражала.
Для выканання рэйса Мінск — Шарджа — Мінск было прадастаўлена іншае паветранае судна.
Праўда, авіякампанія была вымушана змяніць час вылету чартарных рэйсаў у Анталію і Шарм-Эль-Шэйх на больш позні. Пасажырам затрыманых рэйсаў будуць прадастаўлены напоі і харчаванне згодна з правіламі.
У «Белавіі» падкрэсліваюць, што інцыдэнт са шклом — гэта сітуацыя, якая ўзнікае выпадковым чынам і не можа быць спрагназавана авіякампаніяй. Аднак гэта ніяк не ўплывае на бяспеку палёту.
Цяпер чытаюць
Яму выбілі чатыры зубы, а пасля выкінулі з краіны. Цяпер былога палітвязня арыштавалі ў Латвіі з шасцю мігрантамі ў машыне23
Каментары