Супрацоўнікі адміністрацыі Новай Кахоўкі з-за пастаянных абстрэлаў з боку Узброеных сіл Украіны былі вымушаныя пакінуць горад.
«Супрацоўнікі ВГА Новай Кахоўкі, дзяржаўных і муніцыпальных устаноў пакінулі горад і былі перадыслакаваныя ў бяспечныя месцы вобласці», — сказана ў заяве акупацыйных уладаў.
У адміністрацыі адзначылі, што пасля адводу расійскіх войскаў з правабярэжнай часткі Дняпра Херсонскай вобласці «агонь з левага берага Дняпра зрабіў жыццё ў горадзе небяспечным». Праз абстрэлы ў горадзе адключыўся інтэрнэт і мабільная сувязь.
Раней прэс-сакратарка Сіл абароны «Поўдзень» Наталля Гумянюк паведаміла, што расійскія войскі на левым беразе Дняпра адыходзяць углыб на 15-20 км ад абсталяваных рубяжоў, каб засцерагчы сябе ад абстрэлаў УСУ.
Новая Кахоўка знаходзіцца прыкладна за 60 км на ўсход ад Херсона. Горад стаіць на левым беразе Дняпра, ніжэй за Кахоўскую ГЭС.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў18
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары