Дэпутат Клішэвіч прапануе вазіць айцішнікаў з рыдлёўкамі ў Хатынь
Дэпутат Палаты прадстаўнікоў Сяргей Клішэвіч, каментуючы нараду ў Лукашэнкі аб працы Парка высокіх тэхналогій, заявіў, што трэба прыгледзецца да працы айцішнікаў.

Паводле Клішэвіча, неабходна выпраўляць сітуацыю, калі айцішнік дзень і ноч сядзіць у камп'ютары, а дзяржава не кіруе гэтымі камп'ютарамі, яго месенджарамі і інфармацыйнымі плынямі.
«Трэба падумаць, што мы закладаем, акрамя фінансаў, у ідэалогію працы з IT-сектарам. Ці ў курсе той айцішнік пра свайго прадзеда, прабабулю, якія ваявалі, таксама вызвалялі на фронце і давалі яму магчымасць займацца гэтым IT-бізнэсам? Ці ў курсе ён пра Хатынь, якая будуецца? Магчыма, трэба было б іх, можа, не на пастаяннай аснове, але перыядычна адрываць ад камп'ютара і везці ў Хатынь, каб яны там папрацавалі рыдлёўкай на гэтым аб’екце разам з нашымі камсамольцамі. Каб яны прасякнуліся яшчэ і духоўнымі пытаннямі, не толькі камп'ютарамі», — сказаў Клішэвіч.
На яго думку, калі дзяржава не зможа «знайсці баланс», то IT-спецыялістамі будуць кіраваць так, як гэта трэба «іншым», за межамі Беларусі і не ў яе інтарэсах.
-
Насупраць ЗАГСа Савецкага раёна Мінска адкрылася тэматычная зона адпачынку «Шлях да шчасця»
-
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА
-
Расіяніну, які п'яным пабіўся з ахоўнікамі мінскага метро, вынеслі прысуд
Цяпер чытаюць
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння
Каментары