Эму Антонаўну абвінавацілі паводле двух артыкулаў Крымінальнага кодэкса: арт. 368 (абраза Лукашэнкі) і арт. 369 (абраза прадстаўніка ўлады).
Суддзя Ірына Яскевіч прызначыла палітзняволенай 2 гады пазбаўлення волі ва ўмовах агульнага рэжыму. Яе ўзялі пад варту ў зале суда. У зняволенні ёй засталося адбыць прыкладна 4 месяцы, піша «Вясна».
У першы дзень суда жанчыне стала дрэнна: у яе падняўся ціск. Таму Эме Антонаўне выклікалі хуткую дапамогу.
