РУП «Белпошта» папярэдзіла карыстальнікаў, што ад імя прадпрыемства нейкія зламыснікі рассылаюць па электроннай пошце хлуслівыя паведамленні. На прадпрыемстве заклікалі карыстальнікаў быць уважлівымі пры пераходзе па спасылках.
«Як правіла, зламыснікі выкарыстоўваюць спасылкі для накіравання на падробленыя інтэрнэт-старонкі з мэтай заражэння прылад шкодным праграмным забеспячэннем і завалодання персанальнымі данымі.
Часцей за ўсё мэтай зламыснікаў з'яўляецца атрыманне інфармацыі з плацежнай карты і крадзеж грашовых сродкаў», — адзначае Белпошта, прыкладаючы таксама ўзор фальшывага паведамлення.
Каментары