Аналітыкі Інстытута вывучэння вайны (ISW) пракаментавалі нечаканы візіт міністра абароны Расіі Сяргея Шайгу ў Мінск.
У суботу Шайгу сустрэўся ў Мінску з міністрам абароны Беларусі Віктарам Хрэніным і Аляксандрам Лукашэнкам. Міністры падпісалі пратакол аб унясенні змен у Пагадненне паміж Рэспублікай Беларусь і Расійскай Федэрацыяй аб сумесным забеспячэнні рэгіянальнай бяспекі ў ваеннай сферы. Сэнс гэтых змен не паведамляўся.
У ISW адзначылі, што Шайгу сустрэўся з Хрэніным і Лукашэнкам, верагодна, для таго, каб ціснуць на Беларусь з мэтай далейшай падтрымкі наступальнай кампаніі Расіі ва Украіне.
Інстытут раней ацэньваў, што Беларусь наўрад ці ўступіць у вайну ва Украіне з-за ўнутраных фактараў, якія абмяжоўваюць гатоўнасць Лукашэнкі зрабіць гэта.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Адзінае, што так моцна стрымлівае Лукашенку, так гэта пагроза страціць вялікую колькасьць прэтарыянцаў (ці апрычнікаў, ці хунвінбінцаў, ці як заўгодна). Хто тады яго абараніць будзе. Ды й увогуле - яны ваяваць толькі на вуліцах Менску майстры, а у акопах па калені ў слоце па кулямі ды й хаймарсамі - гэта пытаньне. Узбраеньне таксама больш на паперы чым на справе.
А наконт там нейкага унутранага фактара ...???? Да сеньня бальшыня насельніцтва за Расею і прарасейская