Чарговае надзвычайнае здарэнне адбылося сёння на будаўнічым аб'екце ў жылым комплексе «Мінск Свет». Як паведаміла афіцыйны прадстаўнік Мінскага ўпраўлення Следчага камітэта Кацярына Гарлінская, ноччу 5 снежня пацярпеў 57-гадовы арматуршчык.
Мужчына выконваў работы на вышыні другога паверха, пры пераходзе на суседнюю секцыю ён адшпіліў страховачны трос і ўпаў з вышыні. Рабочы атрымаў цялесныя пашкоджанні, ён шпіталізаваны.
На месцы здарэння следча-аператыўная група праводзіць агляд і апытанне відавочцаў. Пакуль крымінальная справа не заведзеная — Следчы камітэт праводзіць праверку ўсіх абставін таго, што адбылося.
Гэта ўжо далёка не першае надзвычайнае здарэнне на будаўніцтве «Мінск Свету». Толькі ў 2022 годзе там зарэгістраваныя 4 выпадкі вытворчага траўматызму, тры з якііх скончыліся смерцю пацярпелых будаўнікоў. У 2021 годзе таксама было 4 такія выпадкі, з якіх два — са смяротным вынікам.
Суд па факце аднаго з такіх выпадкаў, які адбыўся ў снежні мінулага года, завяршыўся некалькі месяцаў таму. Вінаватым у смерці рабочага, які ўпаў з 16-га паверха, прызналі галоўнага інжынера будаўнічай арганізацыі, якому прызначылі 2,5 года «хатняй хіміі». На думку суда, ён не забяспечыў належнай бяспекі правядзення работ.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары