У Крамлі прапанавалі беларускім школам пераняць «Размовы пра важнае». Што гэта такое
Начальнік упраўлення прэзідэнта РФ па грамадскіх праектах Сяргей Новікаў прапанаваў Беларусі пераняць з улікам спецыфікі беларускага грамадства практыку правядзення ў школах «Размоў пра важнае».
Пра гэта ён заявіў на медыяфоруме «Беларусь — Расія: раўнапраўны саюз, агульная гісторыя, сумесная будучыня», які праходзіць у сераду ў ТАСС.
«Што мы робім — вярнулі цалкам сістэму выхавання ў школьную адукацыю, мы навучылі і ўкаранілі стаўкі людзей, якія адказныя ў школе толькі за выхаванне, таму што гэта не можа рабіць настаўнік-прадметнік у дадатак да сваёй асноўнай дзейнасці, гэта павінен быць педагагічны работнік, які спецыяльна прайшоў навучанне», — адзначыў Новікаў.
«Стварылі ўнутры школьнага раскладу часовыя слоты для такіх размоў, назвалі праект «Размовы пра важнае». <…> Гэта наш вопыт, мы гатовы падзяліцца, вельмі добра, што сёння прысутнічаюць міністры адукацыі абедзвюх краін (Расіі і Беларусі)», — дадаў ён.
Новікаў адзначыў, што за перыяд з верасня па снежань склалася станоўчае ўспрыманне «Размоў пра важнае» сярод школьнікаў, педагогаў і бацькоў.
«У народа на самай справе ёсць запыт на грамадска-палітычны парадак у рамках школьнага працэсу. Адукацыя ў нас цяпер складаецца з двух кітоў — навучанне плюс выхаванне. І гэта сустракае падтрымку і карыстаецца попытам. У даным выпадку хацелі б прапанаваць, ні ў якім разе не навязваючы, гэтую практыку распаўсюджваць, натуральна, з улікам спецыфікі беларускага грамадства і беларускага запыту з боку бацькоў і педагогаў, і з боку дзяцей», — сказаў ён.
Штотыднёвыя заняткі «Размовы пра важнае» пачаліся ў школах Расіі з 5 верасня. Яны праходзяць па панядзелках. Сцэнары заняткаў — для школьнікаў розных узростаў, з першага па адзінаццаты клас. Мяркуецца, што ўсяго іх будзе 34 — па колькасці навучальных тыдняў у годзе. Для кожнага ўрока распрацаваны метадычныя рэкамендацыі, у якіх апісаны змест, паслядоўнасць этапаў занятку, пададзены дапаможныя матэрыялы для настаўнікаў, інструкцыі для інтэрактыўных заданняў і гэтак далей.
«Размаўляў увесь час па-беларуску». Павел Севярынец запісаў свой першы зварот пасля вызвалення18
Каментары