Урачыстасць адзначаецца ў гонар цудоўнага з’яўлення Царыцы Нябеснай у Канстанцiнопалi — сталiцы праваслаўнай Вiзантыйскай iмперыi.
У Х стагоддзi гораду пагражала нашэсце сарацын. Народ ноччу малiўся ў Влахернскiм храме аб пазбаўленнi ад небяспекi. І тут перад вернiкамi з’явiлася Багародзiца, абкружаная анёламi. Яна зняла з галавы пакрывала i распасцерла яго над людзьмi, абараняючы iх ад ворагаў, бачных i нябачных… Захопнiкi тады адступiлi ад горада без бою.
У Беларусi сёння каля 130 храмаў асвечаны ў гонар свята Пакроваў.
Праваслаўнае свята Пакровы — вельмі асаблівы дзень для жыхароў Давыд-Гарадка Столінскага раёна. Менавіта ў гэты дзень гарадчукі наведваюць могілкі і памінаюць сваіх продкаў. На Пакроў таксама прынята хадзіць у госці, а дзеці, дзе б яны ні жылі, вяртаюцца да бацькоў. Тым больш, што 14 кастрычніка ў краіне адзначаецца і Дзень Маці.
Каментары