Маск усё ж паабяцаў сысці з пасады кіраўніка Twitter, як знойдзе «дурня»
Ілан Маск па выніках задуманага ім галасавання карыстальнікаў, абвясціў, што пакіне пасаду кіраўніка Twitter — але толькі пасля таго, як знойдзе «таго дурня, што пагодзіцца на гэтую працу», піша Бі-бі-сі.
«Я пайду ў адстаўку з пасады кіраўніка, як толькі знайду таго дурня, што пагодзіцца ўзяцца за гэтую працу. Пасля гэтага я застануся кіраваць толькі камандамі па праграмным забеспячэнні і серверам», — напісаў Маск у каментары да зладжанага ім апытання на тэму, ці варта яму застацца на чале набытай ім кампаніі-сацсеткі.
Падчас гэтага апытання, якое Маск запусціў у Twitter у нядзелю, большасць удзельнікаў — 57,5% — выказалася за тое, каб Маск пакінуў спробы кіраваць палітыкай Twitter. У апытанні прынялі ўдзел 17,5 млн карыстальнікаў (хоць многія выказвалі здагадкі, што сярод удзельнікаў было шмат ботаў).
Аб'яўляючы апытанне, Маск паабяцаў, што зробіць так, як вырашыць большасць, але потым даволі доўга пасля заканчэння галасавання не пісаў нічога канкрэтнага пра тое, ці збіраецца ён усё ж такі ў адстаўку.
Ілан Маск набыў Twitter — адну з самых папулярных сацсетак свету — за 44 млрд даляраў. Маск абяцаў радыкальна перабудаваць працу Twitter, але ўсе спробы перабудовы абярнуліся гучнымі скандаламі.
Прэса падлічыла ўсе гэтыя скандалы з удзелам Маска і Twitter: звальненне супрацоўнікаў і перавод астатніх на працу ў «рэжыме хардкора»; разблакаванне акаўнта Трампа (экс-прэзідэнт ЗША пакуль туды не вяртаўся); няўмелае ўвядзенне платнай верыфікацыі карыстальнікаў — і прыйшла да высновы, што метады Ілана Маска паступова руйнуюць сацсетку.
Цяпер чытаюць
«Усе гундзелі, бурчэлі». Лукашэнка расказаў, што ў войску былі незадаволеныя, што навучаць іх запрасілі вагнераўцаў4
Каментары
А один ваш любимый президент перед своими выборами обещал, что устроит путину адские санкции... И сразу снял санкции с северного потока 2.
Лучше посмотрите у Любарского вчерашнее видео с Константином Боровым. Там он достаточно понятно рассказывает про путина, войну и почему Украине так мало дают оружия.
Политика компании в любом случае поменялась и стала более лояльной к "неправильным" для вокнутых взглядов, да и прозрачней, судя по доказанной информации о том, что в твиттер правительство US вливало миллионы, чтоб умалчивать информацию. Илон демократ на деле, а не на словах.