Міністр замежных спраў Украіны: Уся патрэбная зброя ў нас будзе, ніякіх табу ў партнёраў няма
Міністр замежных спраў Дзмітрый Кулеба перакананы, што Украіна з часам атрымае ад партнёраў усю неабходную ёй зброю. А што яе не даюць адразу, то на тое ёсць «псіхалагічныя, лагістычныя і палітычныя прычыны», піша «Украінская праўда».
«Маё ўражанне такое. Калі падсумаваць усе закулісныя размовы, не толькі ў Вашынгтоне, але і ў іншых краінах, то выснова такая: уся патрэбная зброя будзе, гэта толькі пытанне часу.
Чаму яе нельга даць адразу? Таму што ёсць псіхалагічныя, лагістычныя і палітычныя прычыны. Але з усімі гэтымі прычынамі трэба працаваць, і мы будзем працаваць.
Гэта не толькі пытанне нежадання. Пастаўкі любой зброі — гэта вельмі складаная тэхнічная і лагістычная аперацыя, мы займаемся разам з калегамі з іншых ведамстваў усімі гэтымі дэталямі…
У мяне дакладна ёсць адчуванне, што называецца на кончыках пальцаў, што ніякіх табу ў пытаннях паставак зброі няма.
І Patriot, рашэнні пра якія прывёз Уладзімір Зяленскі з Вашынгтона — найлепшы таму доказ», — заявіў міністр у эфіры нацыянальнага тэлемарафону.
Кулеба таксама адзначыў, што Украіна настойвае на атрыманні зброі ад партнёраў у сувязі з іх абавязацельствамі па Будапешцкім мемарандуме.
«Мы кажам вельмі простую рэч нашым партнёрам:
калі вы, шчыра кажучы, у змове з расіянамі забралі ў нас ядзерную зброю як фактар стрымлівання Расіі, і Расія на нас напала, то цяпер, хочаце ці не хочаце, давайце нам усю патрэбную няядзерную зброю, каб мы маглі ад Расіі абараняцца.
Вось так мы ставім пытанне», — сказаў ён.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам7
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў66
Каментары
Буде тоби вража як Залужний скажа.(с)