Кіраўнік «Трыбуны» пра «пакаянні» футбалістаў: Адна рэч, калі супраць цябе крыміналка, іншая — калі ты запісваешся, каб зарабіць на міску пахлёбкі
Кіраўнік Tribuna.com Максім Беразінскі выказаўся наконт заяў беларускіх футбалістаў Васіля Хамутоўскага і Анатоля Макарава.
Нагадаем, былы брамнік беларускай зборнай Васіль Хамутоўскі пасля суда папрасіў не лічыць яго палітвязнем і абвінаваціў праваабаронцаў у стварэнні лішняга інфашуму. А паўабаронца «Тарпеда-БелАЗ» Анатоль Макараў даў інтэрв'ю «Мінскай праўдзе», дзе апраўдваўся за здымкі ў відэа супраць гвалту.
«Я б не ставіў знак роўнасці паміж тым, што казаў Хамутоўскі і што казаў Макараў. Мне ўсё ж такі здаецца, што гэта розныя сітуацыі, — пракаментаваў гэтыя кейсы Беразінскі ў эфіры «Свабода Прэміум». —
Адна рэч, калі супраць цябе ёсць крыміналка і, наколькі я ведаю, у Васіля вельмі складаная сітуацыя.
І не толькі праз гэту крыміналку, але і ёсць і некаторыя іншыя гісторыі, якія я б не хацеў распавядаць. Магчыма, Васіль сам распавядзе як-небудзь. Мне здаецца, што, калі ты трапляеш у гэтую пастку, ты можаш рабіць усё, каб з яе вызваліцца. У мяне язык не паварочваецца сказаць нешта наконт Васіля.
Але што датычыць тых, хто запісвае такія відэа, каб зарабіць сабе на міску пахлёбкі і каб яго не выштурхнулі з клуба, мне здаецца, гэта нейкая ганебная гісторыя.
Асабліва ў сітуацыі Макарава, які ўвогуле сказаў тры словы «Мы супраць гвалту». І гэта тыя словы, якія можна казаць у любым рэжыме. Няма нічога такога, гэта проста звычайная такая хрысціянская, чалавечая гісторыя. І калі Макараў кажа, што ён усё зразумеў і зразумеў свае памылкі, што тут сказаць. Я нават не ведаю. Галоўнае, калі ты выбачаешся, разумець, за што ты выбачаешся. А Макараў выбачаецца за тое, што сказаў тры словы, у якіх увогуле няма нічога такога».
Хамутоўскі: Прашу не лічыць мяне палітзняволеным
Футбаліст, які запісаў відэа супраць гвалту ў 2020 годзе, даў «пакаяннае інтэрв'ю»
-
Львоўскі: У Беларусі нацыянальнае свята — гэта рыцарскія турніры, у Расіі — сарафаны і карагоды
-
Прарыў мараканцаў у Сеуту: што гэта было? Ці магла гэта быць тонкая помста Вашынгтона Мадрыду? І ці адаб’ецца на легалізацыі беларусаў?
-
Статкевіч змадэляваў падзеі, што могуць разгарнуцца ў Беларусі ўвосень
Цяпер чытаюць
Сяргей Ціханоўскі запусціў свой ютуб-канал з вершамі і казкамі29
Каментары