Холдынг беларуса патрапіў у спіс найбуйнейшых падаткаплатнікаў Казахстана
Фірма «Асбіс Казахстан» стала адной з 354 кампаній, якія, згодна з заканадаўствам Казахстана, патрабуюць адмысловага маніторынгу як найбуйнейшыя падаткаплатнікі краіны, піша Office Life.
Фірма «Асбіс Казахстан» стала адной з 354 кампаній, якія, згодна з заканадаўствам Казахстана, павінны прайсці адмысловы маніторынг як найбуйнейшыя падаткаплатнікі краіны.
Адпаведны пералік, які складаецца па выніках гаспадарчай дзейнасці, набыў моц з 1 студзеня 2023 года і будзе дзейнічаць на працягу двух наступных гадоў. Пры гэтым казахстанская «дачка» вядомага IT-дыстрыб'ютара знаходзілася ў ім і на працягу 2021-2022 гадоў.
У 2022 годзе Казахстан стаў галоўным рынкам збыту для холдынгу ASBISc Еnterprises, які з Кіпра кантралюе беларускі бізнэсмен Сяргей Касцевіч. Мясцовы дыстрыб'ютар па аб'ёмах продажаў (прырост да аналагічнага перыяду 2021 года — звыш 63%) абышоў падраздзяленні ў Расіі і Украіне, рэалізаваўшы оптам і ў розніцу за дзевяць месяцаў 2022 года прадукцыі амаль на 400 млн даляраў.
Для параўнання: у Беларусі за гэты перыяд продажы ўпалі прыкладна ў два разы і склалі каля 57 млн даляраў. З 6-га месца ў сукупных аб'ёмах рэалізацыі ASBIS Беларусь перамясцілася на 9-е.
Цяпер чытаюць
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком1
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары