У Лідзе хлопец падарыў каханай дзяўчыне 3 тысячы даляраў. Цяпер яго шукаюць сілавікі
Пра рамантычную гісторыю, якая адбылася ў Лідзе ў звычайнай харчовай краме паміж прадавачкай і пакупніком, расказаў тэлеканал АНТ.
Хлопцу спадабалася дзяўчына за прылаўкам у краме, і ён раз за разам рабіў ёй кампліменты і аказваў іншыя знакі ўвагі. Але дзяўчыну ўвесь час нешта трывожыла, і аднойчы хлопцу ўдалося даведацца прычыну гэтага: ёй патрэбны былі грошы для аплаты навучання ў каледжы, каб закрыць адпрацоўку.
Хлопец аказаўся настолькі закаханым, што вырашыў дапамагчы дзяўчыне матэрыяльна — прынёс ёй пакет, у якім ляжала 3 тысячы даляраў. Аддаў і пайшоў.
Дзяўчына, усвядоміўшы тое, што адбылося, разгубілася. Прымаць такі шчодры падарунак ад незнаёмага чалавека яна не захацела, таму аднесла пакет з грашыма ў міліцыю, каб хлопца знайшлі і вярнулі яму яго грошы. Цяпер яго шукаюць.
Каментары