Тэхнабанк з 30 студзеня запусціў крэдыт на нерухомасць. Яго можна атрымаць на гатовыя кватэры ў шматкватэрных і блакіраваных дамах і ў аднакватэрных жылых дамах.
Мінімальная сума па крэдыце «Мілы дом» — 15 тысяч рублёў, максімальная — 500 тысяч рублёў. Аднак у кожным выпадку суму вызначаюць індывідуальна, яна залежыць ад крэдытаздольнасці кліента. Пры гэтым пазыка не можа перавышаць 80% кошту жылля.
Тэрмін крэдытавання — да 15 гадоў. Але ёсць абмежаванні для тых, каму да выхаду на пенсію засталося менш, чым гэты перыяд. У такім выпадку максімальны тэрмін крэдытавання складзе тую колькасць гадоў, колькі чалавеку засталося да выхаду на заслужаны адпачынак.
Працэнтная стаўка — 16,9% гадавых, грошы банку трэба аддаваць роўнымі долямі. Ёсць магчымасць датэрміновага пагашэння без збірання камісіі. Забеспячэнне крэдыту пад заклад жылля.
«У разлік сукупнага даходу можа прымацца даход блізкіх сваякоў (не больш за двух). У такім выпадку са сваякамі заключаецца дагавор паручыцельства», — удакладняе банк.
-
Самы багаты ўкраінец купіў кватэру ў Манака за $550 мільёнаў. Гэта рэкордная здзелка ў гісторыі
-
Ад былога ўласніка кватэры застаўся доўг — цяпер яго трэба аплаціць пакупніку?
-
Як купіць кватэру ў Мінску, калі няма каму дапамагчы? Задаецца пытаннем беларус, які адкладае па $1000 у месяц і ўсё адно ў адчаі
Каментары