У Польшчы затрымалі трох беларусаў, абвінавачваюць у крадзяжы дарагой помпы з крамы
У Бялай Падляшскай затрымалі траіх беларусаў па падазрэнні ў крадзяжы помпы ў краме, паведамілі ў прэс-службе польскай паліцыі. Інцыдэнт з крадзяжом адбыўся ў пятніцу, 27 студзеня.
У паліцыю паведамілі, што невядомыя, пакуль прадавачка адпачывала, вынеслі з крамы глыбінную помпу коштам каля 6000 злотых (у эквіваленце амаль 1,4 тысячы даляраў). Падазраваным адразу стаў кліент, які ў гэты самы дзень уважліва вывучаў гэтую помпу, выстаўленую на продаж.
Неўзабаве асобу падазраванага ў крадзяжы выявілі. Ім аказаўся 34-гадовы беларус, які быў у краме з двума землякамі.
Пры садзейнічанні польскіх памежнікаў ён быў затрыманы разам з 43-гадовай спадарожніцай пры спробе пакінуць Польшчу.
А яшчэ праз дзень затрымалі і трэцяга меркаванага ўдзельніка аперацыі — 46-гадовага беларуса, які, наадварот, заязджаў у Польшчу, маючы пры сабе гэтую самую помпу. Мужчына заявіў, што быў упэўнены, што помпа была аплачаная ў краме раней.
На гэты момант беларусам прад'явілі абвінавачванні ў крадзяжы, па польскіх законах ім пагражае да 5 гадоў турмы. Акрамя таго, з іх узялі заклад 2500 злотых (каля 580 даляраў) у кошт будучых пеняў і штрафаў.
Чытайце таксама:
У Польшчы п'яны беларус на BMW трапіў пад цягнік
Беларуса дэпартавалі з Польшчы за нямэтавае выкарыстанне працоўнай візы
Цяпер чытаюць
«У мяне на стале пяць гадоў ляжала папера з перадачай права апекі над сынам». Вольга Севярынец — пра гады страху, антыдэпрэсанты і надзею5
Каментары