Яны знаёмяцца з цалкам новым жыллём, размешчаным на «старой» тэрыторыі заапарка. Цяпер суседзі могуць пазайздросціць іх раскошным апартаментам: кожнай пары дасталася паўнавартасная трохпакаёвая «кватэра».
Новыя вальеры куды большыя за старыя — цяпер у кожнай жывёлы ўласны пакой, а для «праменаду» парам прапануецца прасторны выгул. Пакуль звяры насцярожана вывучаюць новую тэрыторыю, але ў заапарку ўпэўненыя, што новае жыллё ім спадабаецца.
Новыя прасторныя вальеры маюць перавагу і для наведвальнікаў — яны добра праглядаюцца, жывёлы глядзяцца вельмі эфектна. У адміністрацыі Мінскага заапарка запрашаюць наведаць размешчаную на беразе Свіслачы ўстанову і палюбавацца катамі.
Але папярэджваюць — у халоднае надвор'е цеплалюбівыя каракалы сядзяць у пакоях, дзе ў іх цёплыя падлогі. А паколькі на тыдні пацяплення ў сталіцы чакаць не даводзіцца, то і візіт у заапарк лепш адкласці.
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары
клас! падача навін проста супер!)