Сяргей Леанюк. Фота: укантакце
Сяргею Леанюку 51 год. Ён іпэшнік з 2012 года і займаецца дробным гандлем, да гэтага паспеў папрацаваць спецыялістам па маркетынгу ў прыватных фірмах і ў Беларусбанку.
У відэа сілавікоў ён кажа, што нібыта пакідаў каментарыі ў тэлеграме. Дэманструецца таксама іх меркаваны змест — нават калі мужчына сапраўды іх напісаў (юзернейм і іншая інфармацыя не паказаныя), каментарыі звязаныя з асуджэннем расійскай агрэсіі ва Украіне, хоць некаторыя цяжка назваць прыстойнымі.
Губазікаўцы сцвярджаюць, што супраць мужчыны заведзеная крымінальная справа па артыкуле 130 за «распальванне варожасці да рускіх». Па гэтым артыкуле можа пагражаць да пяці гадоў калоніі.
«Наша Нiва» — крыніца якаснай інфармацыі і бастыён беларушчыны
ПАДТРЫМАЦЬ «НН»
