Учора ў Гомелі было брутальна затрымана некалькі чалавек. З імі было знята і паказана відэа, на адным з якіх сябры ініцыятывы «Хрысціянская візія» пазналі Аляксандра Тарасенку, былога іераманаха гомельскага Свята-Мікольскага манастыра.
![](http://nashaniva.com/img/w840d4webp1/photos/z_2023_03/photo_2023-03-24_15-52-04-sgw5y.jpg.webp)
На відэа Тарасенка «прызнаецца», што нібыта размясціў на сваёй старонцы ў фэйсбуку «абразлівы пост у адрас Лукашэнкі». Цяпер Тарасенка працуе кіроўцам-дальнабойнікам.
Пазней з'явілася інфармацыя, што Аляксандра Тарасенку арыштавалі на 14 сутак.
Таксама ў Гомелі цяпер падвяргаецца крымінальнаму пераследу яшчэ адзін вядомы праваслаўны дзеяч Андрэй Пуканаў. Ён таксама абвінавачваецца ў размяшчэнні на фэйсбуку паста з «абразамі Лукашэнкі».
Каментары