Усяго патроху

Гэтая расліна не толькі ўпрыгожыць велікодны стол, але і ўзбагаціць ежу вітамінамі

Апошнім часам стала распаўсюджвацца традыцыя ўпрыгожвання велікоднага стала не толькі пафарбаванымі яйкамі, але і прарошчанай зелянінай. Найлепш для гэтага падыходзіць крэс-салата. Расказваем, як яе сеяць і паліваць, каб атрымаць да святочнага стала.

Крэс-салата
Прарошчаная крэс-салата. Фота: Wikimedia Commons

Крэс-салата, першапачаткова распаўсюджаная на тэрыторыі Азіі і Паўночнай Афрыкі (Егіпет, Эфіопія), цяпер вядомая ва ўсім свеце. Яна святлолюбівая і марозаўстойлівая. Зеляніна ўтрымлівае вітамін С, вітаміны групы В, бэта-каратын, фоліевую кіслату, серу, калій, магній, кальцый, жалеза, хром і ёд. Расліна валодае ачышчальнымі ўласцівасцямі для нашага арганізма, паляпшае апетыт і спрыяе страваванню.

Ад моманту пасеву крэс-салаты да моманту збору праходзіць 7—10 дзён.

У што сеяць крэс-салату ў хатніх умовах

Для вырошчвання лепш падыдзе ёмістасць з невялікімі борцікамі (5—10 см).

Можна набыць спецыяльны прарошчвальнік, які складаецца з паддона і ўкладыша ў выглядзе сеткі. У такім выпадку не спатрэбіцца зямля. Насенне раскладваюць на сетку, а ў паддон падліваюць ваду.

Калі няма такога прарошчвальніка, то можна выкарыстаць ватныя дыскі, марлю, папяровыя ручнікі. У такім выпадку іх складваюць у некалькі столак, каб стварыць падложку.

Калі вы не ўяўляеце пасеў без зямлі, то для вырошчвання крэс-салаты можа падысці чысты тарфяны субстрат ці сумесь торфу, садовай зямлі і рачнога пяску. Спецыялісты не рэкамендуюць саджаць крэс-салату ў гатовыя грунтавыя сумесі, што прадаюцца ў крамах, бо яны могуць быць апрацаваныя хімікатамі. У такім выпадку прарошчаная крэс-салата ўбярэ ў сябе шмат шкодных рэчываў.

Перад пасевам грунт ці іншую падложку добра ўвільгатняюць, а насенне рэкамендуюць замачыць на 8—12 гадзін.

Насенне крэс-салаты
Насенне крэс-салаты ў павелічэнні. Фота: Wikimedia Commons

Як сеяць крэс-салату

Калі ў вас грунт, то яго добра ўтрамбоўваюць. Гэта трэба, каб ён лепш утрымліваў вільгаць. Па паверхні зямлі ці падложкі густа раскладваюць насенне. Тое насенне, што зліплася, раздзяляюць зубачысткай ці пінцэтам.

Затым яго добра прыціскаюць да зямлі і накрываюць плёнкай з адтулінамі. Пасудзіну з насеннем ставяць у зацененае і цёплае месца да з'яўлення парасткаў.

Першыя калівы з'явяцца ўжо на наступны дзень.

Як паліваць крэс-салату

Для паліву лепш выкарыстоўваць распыляльнік, якім апырскваць пасевы 2—3 разы на дзень. Калі выкарыстоўваецца гідрапонны метад (без зямлі), то ў ёмістасць кожны дзень падліваюць ваду. У прарошчвальніку з сеткай ваду мяняюць кожны дзень.

Вырашчаная крэс-салата не толькі ўпрыгожыць вялікодны стол, але і стане добрым дадаткам да страў. Напрыклад, ёю можна пасыпаць яйкі з маянэзам, бутэрброд, дадаць да салата з агародніны.

Чытайце таксама:

Як правільна абразаць гартэнзію. І чым яна можа быць карысная, акрамя хараства

Як не разарыцца на насенні, выгадаваць расаду і не развесці ў агародзе лес — правераныя парады агароднікам-пачаткоўцам

Хочаце вырасціць дома расліну, але вы далёкія ад гэтага? Вам дапамогуць сукуленты

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Стала вядома пра смерць 22-гадовага хлопца, якога асудзілі па палітычнай крыміналцы2

Стала вядома пра смерць 22-гадовага хлопца, якога асудзілі па палітычнай крыміналцы

Усе навіны →
Усе навіны

У Беларусі летась адбыліся ўспышкі адру і коклюшу

Балкунец хоча праехацца на веласіпедзе з Варшавы да мыса Рока ў Партугаліі12

Беларускі фатограф два гады ляжыць пасля кавіду і цяпер зусім страціў сон23

Прайсці медагляд і распавесці ўсё пра сваякоў: жонка турка расказвае пра пакуты з атрыманнем ДНЖ для мужа ў Беларусі19

Палітзняволенай Алене Лазарчык дадалі паўтара года калоніі1

Трамп цёпла прыняў прэм’ера Італіі Мелоні. Сказаў, што не вінаваціць Зяленскага ў вайне ва Украіне

З урада Сербіі выключылі галоўнага прарасійскага палітыка

Трамп чакае ад Расіі адказу на прапанову аб перамір'і «на гэтым тыдні»5

Дэпутат-гісторык Даніловіч расказаў пра 28 еўрапейскіх народаў, якія прыйшлі захопліваць Беларусь разам з Гітлерам26

больш чытаных навін
больш лайканых навін

Стала вядома пра смерць 22-гадовага хлопца, якога асудзілі па палітычнай крыміналцы2

Стала вядома пра смерць 22-гадовага хлопца, якога асудзілі па палітычнай крыміналцы

Галоўнае
Усе навіны →

Заўвага:

 

 

 

 

Закрыць Паведаміць