Праграма ленд-лізу прадугледжвае адтэрмінаваную аплату вайсковых паставак, але ЗША маюць намер перадаваць зброю Украіне бязвыплатна, пакуль ёсць магчымасць. Да яе вернуцца, калі пастаўкі паспрабуюць заблакаваць рэспубліканцы.
Улады ЗША мінулай вясной ухвалілі праграму продажу Украіне ўзбраенняў у рамках ленд-лізу, аднак гэтыя пастаўкі да гэтага часу не пачаліся з-за нежадання Вашынгтона накладваць на Кіеў грашовыя абавязацельствы і двухпартыйнага адабрэння падтрымкі УСУ. Пра гэта піша выданне Politico.
«Мы ўдзяляем прыярытэтную ўвагу дапамозе ў галіне бяспекі, за якую ім не давялося б нам плаціць», — патлумачыў высокапастаўлены чыноўнік Адміністрацыі Байдэна.
Суразмоўца пры гэтым адзначыў, што ўлады ЗША гатовыя да выкарыстання ленд-лізу ў будучыні, але цяпер асноўная ўвага надаецца пастаўкам у рамках іншых паўнамоцтваў, якія былі ўхваленыя Кангрэсам ЗША.
Іншай прычынай адкладвання ленд-лізу з'яўляецца тое, што Дэмакратычная і Рэспубліканская партыі ЗША згодныя ў неабходнасці пастаўляць Украіне ўзбраенне. Як распавёў памочнік аднаго з кангрэсменаў-дэмакратаў, калі рэспубліканцы зменяць сваё меркаванне або зменяцца грамадскія настроі, ленд-ліз могуць задзейнічаць для абыходу заканадаўчых спробаў заблакаваць пастаўкі.
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары